Ubuntizando a miña vida

A verdade é que estou moi contento co dock Avant Window Navigator (AWN), a súa usabilidade e os seus applets, mais dun tempo para aquí o applet do tempo non furrulaba e daba un erro de conexión (cando a rede funcionaba sen problema).

Semella que o problema está no sitio onde recolles os datos, Weather.com, e un cambio de enderezos que fixeron.

Para arranxalo só hai que modificar dúas liñas no arquivo /usr/share/avant-window-navigator/applets/weather/weather.py

Abrimos o arquivo con gedit ou calquera outro editor de texto similar: sudo gedit /usr/share/avant-window-navigator/applets/weather/weather.py

Cambiamos as liñas:

Liña 653:

map_url = "http://www.weather.com/outlook/travel/businesstraveler/map/%s" % location_code

cambiar por:

map_url = "http://www.weather.com/weather/map/%s" % location_code

Line 655:

mapExp = """<IMG NAME="mapImg" SRC="([^\"]+)" WIDTH=([0-9]+) HEIGHT=([0-9]+) BORDER"""

cambiar por:

mapExp = """<img name="mapImg" src="([^\"]+)" width="([0-9]+)" height="([0-9]+)" border"""

(vía: Reformed Musings)

Ultimamente estou tendo unha mala racha cos lapis de memoria. Intentando formatear un debín deixar algo a medias e despois non me deixaba facer nada (formatear, desmotar, etc.)

Se usando Disk Utility (programa que vén de serie en Ubuntu) para formatear calquera disco en detalles do erro aparece a mensaxe “Daemon Is Inhibited” non te rompas máis a cabeza, desenchufa os portos usb correspondentes, reinicia e… pronto!

Adobe Air é unha plataforma que algúns programas utilizan para funcionar. Actualmente o seu desenvolvemento foi discontinuado para Linux, pero inda así hai maneiras para instalalo e facer que funcione sen problemas (só a versión 2.6 e sen poder actualizar a 2.7 e posteriores).

Na consola escribe:

wget http://airdownload.adobe.com/air/lin…RInstaller.bin
chmod +x ./AdobeAIRInstaller.bin
sudo ./AdobeAIRInstaller.bin

Se tes unha versión de 64 bits:
sudo apt-get install ia32-libs
wget http://airdownload.adobe.com/air/lin…RInstaller.bin
chmod +x ./AdobeAIRInstaller.bin
sudo ./AdobeAIRInstaller.bin

Despois instalar programas con Adobe Air é realmente sinxelo (o que teño que investigar agora que o penso é como desinstalalos…)

Estou fuchicando con máquinas virtuais e, inda que intento poñer sempre o mesmo contrasinal, ás veces me esquenzo :p

E iso foi o que me pasou… Podo entrar no sistema pero non como root…

Hai un monte de complicadas solucións que non sempre funcionan pois hai moitos cambios de versión en versión. Esta solución que atopei é a máis sinxela e funciona sen problemas na maioría dos casos.

Nunha terminal escribe:

1. “sudo passwd root”, para cambiar o contrasinal do usuario root

Pídeche o contrasinal do teu usuario e dúas veces o novo contrasinal… e listo!

Isto só funciona se o teu usuario ten permisos sudo (cousa que normalmente se fai por defecto).

Non probei, pero isto tamén debería funcionar en Ubuntu e similares (que para iso están baseados en Debian).

Como saberedes o Firefox 4 acaba de sair e millóns de persoas xa o están descargando e probando. Para os usuarios de Ubuntu e similares pode ser un pouco máis complicado, porque Canonical inda non engadiu ós repositorios oficiais e non hai un paquete .deb de instalación sinxela. Pero non hai nada que non se amañe cun par de liñas na consola.

1. Descarga o arquivo comprimido tar.bz2 da páxina oficial de Firefox.

2. Na consola escribe: sudo cp ‘/home/usuario/Escritorio/firefox-4.0.tar.bz2’ /opt/

3. cd /opt/ (vai ó cartafol onde acabamos de mover o arquivo comprimido)

4. sudo tar -jvxf firefox-4.0.tar.bz2 (descomprime o arquivo)

5. cd /usr/local/bin (colocámonos no cartafol bin)

6. sudo ln -s /opt/firefox/firefox(desta maneira sempre accederemos á nova versión instalada)

E xa está todo listo para disfrutar do Firefox 4!

O Firefox 4 está 100% traducido ó galego, e para participar ou seguir todas as novidades sobre a comunidade de tradución podes visitar a súa páxina web ou seguilos por Twitter ou Facebook.

O problema era moi molesto, case tanto como o sinxela que é a solución.

O problema era que cada vez que había un son de calquera aplicación ou sen razón aparente Spotify paraba e deixaba de soar.

A solución que atopei no blogue ligado é configurar correctamente as opcións de son de Wine e seleccionar ESound (nas versións anteriores á 9.10 Alsa).

E así xa teño de novo o Spotify soando no-stop (se non fora polos anuncios…)

SopCast é un programa sinxelo, unha maneira gratuita de emitir vídeo e audio e escoitar a radio en internet usando a tecnoloxía P2P.

Moitos dos tutoriais que hai por aí adiante dan problemas de dependencias. No comentario do 7/04/2010 Ingalex danos a fórmula máis sinxela para instalar o programa.

1. Engade un repositorio escribindo o seguinte na terminal: echo "deb http://ppa.launchpad.net/jason-scheunemann/ppa/ubuntu `lsb_release -cs` main" | sudo tee -a /etc/apt/sources.list && sudo apt-key adv --keyserver keyserver.ubuntu.com --recv-keys CD30EE56
2. Instala o programa: sudo apt-get update && sudo apt-get install sopcast-player

Máis sinxelo imposíbel.

E xa tes á túa disposición ducias de canles con deportes, filmes, series, novas, etc. de todo o mundo. Eu úsoo principalmente para ver rugby.

Seguindo a filosofía p2p, canto máis xente o use mellor será!

O cambio que máis ides notar no Firefox 3.6 é que cando abrimos unha ligazón nunha nova pestana a nova pestana aparece xusto á dereita da pestana onde estamos (como o Google Chrome), e non ó final á dereita, como facía antes.

Se coma min non gustades deste cambio podedes facer que funcione coma antes en tres sinxelos pasos:

1. Escribe na barra de enderezos: about:config
2. Busca  “tabs.insertRelatedAfterCurrent”
3. Fai clic co botón dereito e elixe Alternar (Toogle)

E listo!